Pedagog

Staaren Tjïelte, Maana- jïh Ööhpehtimmiereereme åhtsa:

Pedagoge eensi maahtojne aktede saemien gïeleste jïh saemien kultuvreste saemien aarhskuvlegoevtesasse, Staaren Tjïeltesne

Annjebodts barkoe 25% pedagogine gååvnese tsïengelen raajeste, j. 2022, snjaltjese, voestes beajjan.

Staaren tjïelte saemien reeremedajvese govlesåvva. Daennie dajvesne saemieh reaktam aarhskuvlese utnieh mij mahte abpe tïjjem saemiengïeleldh jis dam vaajtelieh. Tjaktjen 2021, Staaren Tjïelte saemien aarhskuvlem rïhpesti, mesnie learohkh maehtieh fïerhten måantan årrodh. Båetije biejjien sïjhtebe rihpebaeliem lissiehtidh guktie maanah maehtieh abpe våhkoen daennie saemien aarhskuvlesne årrodh. Barkoe lea saemiengïeleldh (noerhte- jïh åarjelsaemien) jïh saemien pedagogihken mietie juakaldihkie.

Mejtie datne sïjhth mealtan årrodh Staaren Tjïelten saemien aarhskuvlem tseegkedh gööktine barkoevoelpigujmie? Tsïengelen raajeste barkoe gååvnese akten vielie pedagogese mijjen saemien goevtesisnie!

Jeatjah bïevnesh

Barkoe lea annjebodts 25%. Akten biejjien, fïerhten våhkoen, måantan, datne maanajdåehkesne barkah. Lissine dov leah göökte tæjmoeh våhkosne gosse ussjedadtedh, meatan tjåanghkojne jïh ööhpehtimmesne.

Jis dov lea maahtoe, ööhpehtimmie mij daerpies jallh vaajtelh dellie nuepie gååvnese barkoem dennie saemien aarskulvegoevtesisnie sjïehteladtedh, v g barkojne aarskuvlelohkehtæjjine jnv.

Laavenjassh:

Datne båatah maanajgujmie barkedh mah leah 1-5 jaepien båeries, jïh dov åejvielaavenjasse jis saemien gïelem, kultuvrem jïh aerpiemaahtoem gorredidh, nænnoestidh jïh evtiedidh guktie saemienvoete aktine iemie bieline aarhskuvlen gïehtelimmesne sjædta.

Datne jïh dov barkoevoelph joekoen dïedtem utniejidie luste, raeffies, jearsoes jïh lïeremeræjhkoes sijjiem maanide buktiehtidh, gusnie hokse, evtiedimmie jïh lïerehtimmie mïrrestellieh. Datne buerie våaromh maanide faalh dovne ståekiedæmman, lïerehtæmman jïh evtiedæmman, lïssine vuesehth aaj maanide man vihkeles lea ektesne lustestalledh.

Dov aarebi ööhpehtimmie jïh dååjrehtsh tsevtsieh magkeres dïedtem datne jïh dov barkoevoelph åadtjoeh daam aarhskuvle-ööhpehtimmiem soejkesjidh, tjïrrehtidh jïh evtiedidh, aarhskuvlen learoeplaanen mietie.

Goh pedagogine daennie saemien aarhskuvlegoevtesisnie dov lea stoerre nuepie aarhskuvlen gïehtelimmiem baajnehtidh, hammoedidh jïh evtiedidh.

Maahtoe/kvalifikasjovnh:

Mijjieh datnem ohtsedibie gïen lea joekoen maahtoe saemien kultuvreste jïh aktede saemien gïeleste, evtemes åarjelsaemien jallh noerhtesaemien gïelijste, jïh vaajtelh noere maanajgujmie barkedh. Datne åtnah aelhkies laavenjostedh jïh buerie relasjovnh tseegkedh. Datne barkoevoelph, maanah jïh eejhtegh dåajmijes-laakan dåastohth.

Datne leah jearsoes, stynkehke, positijve barkije, jïh pryövoeh iktesth dåeriesmoerh loetedh.

Daate lea buerie jis leah aerebe noerebe maanajgujmie barkeme. Eeremes datne jis dov lea aarhskuvlelohkehtæjjan ööhpehtimmiem, maanasåjhtere-ööhpehtimmiem jallh jeatjah jolleskuvlepedagogihken ööhpehtimmiem åtnah.

Barkoevedtije dov gyönehke-voetem daan barkose goerehtalla, guktie barkose sjïehth.

Seedth CV:m jïh tjaelieh prieviem dov bïjre gosse barkoem ohtsedh. Ih daarpesjh vïhtesjimmieh seedtedh. Dejtie båatah vuesiehtidh jis jallh gåessie datnem gihtjehtibie.

Gosse almetjh barkose ohtsedamme Staaren tjïelte sijjide gïehtjedamme guktie barkijidie jaksedh jïh mennie sijjesne barkoem faaledh. Dan åvtese ibie sïjhth medijedoekijigujmie govlehtidh.